هذه القصيده من الشاعر بدرصالح علي الهزمي مرسله للشاعرعلوي بن عبدالله بن جرادان النسي
بســــــم الله ابدا برب الملك واتوكل,,, عليه ابو العز في حله وترحاله
ومــن توكل على مولاه ماتبهذل,,, حـــاشاه ربـــي يفلت من تلـــجا له
هو ذي خلقنا وصورنا وذي شكل,,, الطول والعرض والعينين ووصاله
ومــــيز اللون بين الناس وتكفل,,, برزاقهم دايما صـــاله ورى صاله
من اجل ذا بحمده وزن الجبال واثقل,,, وعدقطر المطر من يوم انزاله
واثني له الحمد واترجــاه وتوسل,,, يجيرني من حمى نيران شعــــاله
وادعوه يغفر ذنوبي ماسواه اسئل,,, هو الذي يعلم المخلوق واحواله
وزكا صلتي على خير الورى المرسل,,, محمدن ماقرى القاري برتاله
من بعـــد هذا الــبدايه ذي لها سجــل,,, وزان الابيات وتعـــنا لما قاله
ابومحمد يقـــول ياعاقل اتئمل,,, في وضعنا المــــر ذي قد زادت اثقاله
ولادرينا منين نلقف ومانعمل ,,,وكيف نصبر على ذا الوقت واحماله
سهرت ليلي وانا من داخـــل اتفلفل,,, واقلب افكار واحتار عند غرباله
وشوف حال العرب والمسلمين واخجل,,, من الخنوع والخضوع لبوش واشكاله
وكلهم في يد القصاب ذي فصل,,, اوصال شعب العراق واهله وجهاله
وفي فلسطين كــــــم يدعم وكم مــول,,, شارون ولازال متعهد لمواله
وشعب لفغان لازال وسـطهامحتل,,, وعادهو قـــــاصد الايران وطفاله
وســـوريا كل ســــاعه فوقها يعتل ,,,من اجــل تخضع وتقبل مابيسعاله
وشاهدالحال هجوم الامس بالنابل,,, وبالصواريخ شارون بوش قداوحا له
وكل واحد بيتحرا كم استحصل,,, في كــل يوم من ضحايا الحرب واهواله
كائنهوغــير معني بالذي يحصــل ,,,فــــي الجـــوار من مجازر كن ماجاله
هذا الذي عاف عندي الشرب والماكل ,,,وطلع الضغط والقلب ارتبك باله
فقلت ياعزي ادي البوك والبركل ,,,فالهاجس اقبل مشيك مــــاشط التاله
بانضـــم ابيات ورســـــلها لبــوفيصل ,,,ولوتكــن غير مــــجديه وفــعاله
عساي ولقا قداه ماكنت فيه ائمل ,,,من قول واضح صريح مافيه مرفاله
ولاتــــخوف من اللي مــــال وتمييل,,, واصبـح مع بوش ويئيد لــــــطباله
عـــميل ينقل لـــه الاخـــبار عـــسى يقبل,,, يحضا بعطفـه ويتدفا بسرواله
ياطـــارشي اعـــزم بهذا الـــقول لاتكسل,,, بلــغ به الان وترجاك وصاله
لاوســـط شبوه قـــداء كمن بطل ماذل,,, اسودفي الحرب للجودات شلاله
مــــا يقبـــــلو فعل خامل اوحد اتنازل,,, عــن مبداء الحق لو وافا بقلقاله
وســــــئل عن الجيد ابوفيصـــل وباتحصل,,, من بايدلك على بيته واطلاله
ســــاكن بمـــرخه نسي للــــعرف مايجهل,,, هلالي الاصل لابوزيد تئصاله
ويوم توصــــــــل قداء علوي قل اتفضل,,, هذاء الجواب الذي لك تم ارساله
من عند من ضاقت انفاسه وصبره كل,,, من قهر هذاء الزمان البؤس واغلاله
ومـــكنه ماحمـــلته فــــي ادب يجـــعل,,, تمثيلكــــم لــــي مثار اعجاب لاعاله
وهدي لهــــم ماغلي وفــــــي العواصم قل,,, مرفـــوع لسعار والنادر تحصاله
اربع قواطر وخـــــمس اموار تتحمل ,,,من طيب فــــاخر مصنق وسط قرطاله
وهويقسم عــــلى اصحــــابه ولايبخل,,, ولايحسب خســــــارت من قد اهدا له
واهديه من عطـر راقي من طراز اول,,, مخصوص للجيد ذي معروفه اقواله
قلي بها بن دعيمان ذي معي يعمــــل,,, مبارك الشــــهم شــــكري له ولمثاله
من اجـــــل هذا كتبت القول واتعــــجل,,, رد الجـــواب من قدا عــلوي ولوطاله
القصد شوف الجواب ويقول لنا مالـــــحل,,, في من ضلمنا وهذا الضلم يحلاله
يرتــــــاح لاشــــاف دم اطفالنا ســـــــيل,,, في كـــــل ساعه ولاقائد تصـــداءله
وعـــادضــــــلمه عـــلينا كل يوم انكل ,,,وكــل ســـاعه وله خـــــطه على باله
يومــــــين يهدد ويومــــين للبشرقــــتل ,,,ويـــــوم يهد المـــــباني والاثر زاله
ويوم يرهــــب لنا النســــوان والـــــعزل,,, والطفل خائف من ارهابه وضواله
يابن جـــــرادان خطربوش ضـــــــــدنا استفحل,,, وكل من قال هذا ضلم يغتاله
وبســـــم لرهـــــاب للارهـــــاب قد واصـــــل ,,,كمــن بري قدقتل اوقام بذلاله
وكم مســــــاكين بسم الـــــحريه قد ذل ,,,وكم وكم من ضعيف قامو بجنداله
والبيت لـــــبيض تــــحدانا وقد صمــــل ,,,يحـــــــارب الدين ويفتت له اوصاله
واكـــــبر دليلــــي قــــــرار الكنقرس واســــئل,,, ماذ تحــدث وماذا كال مكياله
ومــــــابينوو على القــــرءان ذي مـــــنزل,,, من عند ربي وربك دامت افضاله
قالو هــــو ارهـــــاب والارهاب منه طل,,, وماحصل وسط واشنطن من افعاله
لابد مــــن ايت التحـــــريض تتبدل,,, ويمـــــنع الــــطبع للمصــــحف ورتـــــاله
وتالـــــي الامـــــر قـــــالو بس يتئجل,,, طبعه ونشـــــره علـــى الاسلام وجياله
تاجيـــــل الى حــــين حتـــــى اليد تتكبل,,, والســـــــم يســــري ونتلقف لجحباله
هـــــذا الخــــــبر صح ماضنيت بتقـــــول,,, ولافـــــتريته ولاكن عــــــندي ادلاله
مــــــنقول بلسن المـــــراسل والــــذي حـــــــلل,,, واتي الوقت بايفتح لنا قفاله
كـــــلين يعقل ويدرســــــها ولايعجـــــل ,,,فــــالوضع جدن خطير مطلوب تئماله
ماشــــي لــــهذاء السكــــوت حـاجه ولايعقل,,, ان ترقـد الناس والافات وصاله
بضـــــرب لك امـــــثال يابوفيصــــل اتمهـــــل ,,,وحلل الوضع في سمره وقياله
قالمــــال لاقدصـــــلب والزيل به اتغــــلغل ,,,لابدياصـــــاح من حــــرثه وزياله
مــتـن اجــــــــل يبقى نضيف والبذر يتدبل,,, وكـــــل طامع يحـــــلل الف حلاله
امـــــا اذا ضل صلب والحـــــما مهمــــــل ,,,بايدخله صاحب الاعجال باعجاله
يرعـــــــى ويعبث وتالــــي الامر تتطول ,,,يده على صاحب الصلبان وانساله
والحمـــــل اذا كان من فـــــوق الحمــــــول ميل,,, لابدياصاح من رده ومياله
امـــــــــا اذا قدنكع للارض وتدندل,,, يصـــــــعب على صــــاحبه شيله وحماله
والبيت اذا كــــــان مفتوح سرقته تسهــــل,,, امـا المغلق صعيب اللص بيناله
ولو يفكـــــــر في الدخله فبا يفشل,,, ويعـــــــــود خايب ومدحور يسحب اذياله
لاءن في البيت رجــــــال ذئب مايغفل,,, حامـــــي لبيته ورادع من تعـــــــدا له
والـــــولد اذا في الشــــبه من والده قد زل,,, لابد يطلــــع في التشبيه من خاله
والا علـــــى الجد لول لا الوعــــــــى مختل,,, وان كان قد اختل بايشبه لخياله
هذه حقيقـــــه ولاحد لجـــــلها جادل,,, وان شــــي مجــــــادل يبرهن ما تبنا له
والاءن بافتيك منشـــــي يشبه الهيكل,,, نذير قــــــــومه اذا شاف الخطر جاله
لاهــــــــــوب انسي ولا جني ولايوكل,,, يمشي على اربع وبايعيش بين امثاله
معـــــــروف هذا الحــــــــدث من يوم ماتنزل,,, وفسره كل عالم حسب منواله
الــــــى هنا وكتفــــــــي من حيث قد طول,,, مقال شعـــــري ولا ودي بطــواله
مــــاغير لي قلب لاشاف ضلـــــــم يتفاعل,,, ولاربا الخوف خيم سائت احواله
وفــــــي لـــــخير عفوكــــم لاقولي اتطفل ,,,على حداكـــــــم فنا قائــــم وشياله
والختــــم صلــو علـى الهادي لمن قد ضل,,, ومرشد الخلق ماحد ينكر افضاله
محمد الطهــــــر واصحابه عـــــدد مجمــــــل ,,,وال بيته ومن طبق لمــــا قاله
.
.
.
.
تمت كلمات الشاعر الارحبي
الجواب من الشاعر ابو فيصل النسي
.
.
ابدا بربي وحسبي جل شانه جل*** ذي خص نفسه بعزازه واجلاله
الخالق الرازق الاخر هو الاول ***تسعه وتسعين ذي مكتوبه اسما له
انا احمده وشكره واثني عليه لعل*** يـسـتـر عـلـيـنا ويرحمنا من اهواله
ويحط في الجنه الخضراء لنا مدخل*** ويضلنا يوم لا ضلن سوى اضلاله
يا غافر الذنب والزلات لاحد زل*** بـقـعـا مـحـل الـزلـل والـفـس زلاله
ان لم تلاطف بنا يا بئس مانعمل*** مـا مـنـنـا داخـل الـفـردوس باعماله
الا برحمة عضيم الشان نتوصل*** لـمـا رئـت عـيـن ولا قـلـب يـخـتـاله
وزكا صلاتي على المختار وانته صل*** واصحابه الطيبين الطاهرين واله
ومن سمعها يصلي ع الرسول افضل ***ويقول عشرين كباره وهلاله
وبعد ذالحين حيا قال ابو فيصل*** بالخط ذي جا وانا قدني تنباله
رحبت به والقبيله كل حين اقبل*** قامو يقولون حيا عند مقباله
حيا على العز والناموس ذي ندهل*** والشحم واللحم لاجا طارشه فاله
فكيت زرف الكتاب المغري المقفل*** حصلت فيه العجب للعقل وذهاله
اشيا بلا شكلاحدشافها يذهل*** ومن سمع نطقها يضغط على انماله
اقوال ومثال وجههالنا بدر ال*** الارحبي حسب ماجانا بمرساله
شاف المضالم بعينه شوف مامثل*** ولادعايه على التلفاز شغاله
لاكن بعض المناطق مابها تجوول*** من شان لاشاف حال الناس يرثا له
ماشاف ضلم اليمن لعلى على لسفل*** والفرق ذي في جنوب الشعب وشماله
نعيش في ضلم ماضينا ومستقبل*** والحضر المر مابا شرح لك الحاله
هذا المحلي وعاد العالمي ول ول*** من غطرسة بوش ولا من تمهزاله
واسئل اعلم من المسؤل لاتسئل*** قد ذي بقلب الجمل في قلب جماله
ماتدري ان بةش بالحكام يتمهزل*** وذي يحبه يغني له على الباله
يقول قم ياحبيب القلب وتدلل*** وارقص على كل ماحبه وما رضا له
ان لم تقلد موسيقى جاكسن ميكل*** وتكن كما كان يتحرك على الاله
ولا انتهت فترتك فلحكم يا لهبل*** حول من الكرسي الدوار حواله
وصار طبعن يفكر في حياته بل*** وفي فلوسه وفي بيته وبعياله
وقال انا عند حسن الضن وستمثل*** قلي على أي لحن اعزف وغناله
من شان يبقيه فوق الكرسي المخمل*** ويحرسه عند مخراجه ومدخاله
مافكرو في شعوب احقوقها تهمل*** ودين لسلام هم راضين باهماله
خلو الكفر في شؤؤن الدين تدخل*** وفسرو فيه حرامه وحلاله
صارو العرب ضد بن لادن وبن لهدل ***والحارثي نفقه في السوق دلاله
ومن سمع قصت المحضار والجرمل*** قصه يسجل لها التاريخ ونداله
واكبر جريمه بطل تكريت والموصل*** يعرضونه قفا عزه لذلاله
اخر خبر من سمع به قال مايعقل*** هذا خبر مايسر انسان يصغاله
ولودرابه صلاح الدين بايزعل*** لما جرا في اسد الغاب واشباله
وخالد ابن الوليد سيف الله المنسل*** يمكن من القبر يطلع لو تهيا له
ويعلن الحرب ضد المشركي الكل و***يعيد عهد الجهاد اللي امس ناداله
ويقول من كان كافر حل قتله حل*** اويسلم اويدفع الجزيه ويبقا له
لاكن بالعكس صار المسلمين اسهل*** ان يدفعون الضريبه عيب وفساله
ماقلت الناس قلنا الدين فيهم قل*** ماعاد حد قال كلمت حق تعلا له
والكل داري بما يصلح ومايعطل*** لاكن خايف من الحكام بطاله
والبيت له رب بايحميه من لشعل*** الم ترى لبرهه ماصر وفياله
والدين واحد ولاشي فيه يتعدل*** رغم اختلاف المذاهب صعب عداله
المالكي الشافعي واحمد وبن حمبل*** وغيرهم من قضات الدين يقراء له
ولا فرق بينهم من ضم ولا اسبل*** حد ما يئمن وحد من دون بسماله
وبعد ذلحين قم يا طارشي وارحل**8 على كلوزر يلف البعد بعجاله
موديله الفين ماطوره على ديزل*** جديد ماقد مهندس فك شخاله
وفل كامل مكيف بيكب اسبيشل*** مريح في الخط مايتعب دريواله
شل الرساله وشل العزبه اتنبل*** لاتشرق الشمس عادك ياتمعتاله
واسرح من الخور حيث الشيبه اتنحل*** واكسب لنا طين واجد يتعب ابتاله
من روس خوره ومن مرخه ومن حلحل*** لسقيه لاصبحت لشعاب سياله
خلك مع الخط قد غيرك معه سنجل*** لكل واحد سنع معروف يبداله
لاجيت للبكره اوقف وطرح الريفل*** ممنوع في العاصمه صنعا ستعماله
وقل لهم اين درب ارحب امانه هل*** هل من علاو الجبل ولا من اسفاله
وبا يقولون جي هانا وهانا خل*** ومرهاناوهانا توصل اقباله
قدم على بيت بدر وبدر يستقبل*** وبا يجونك قبايل بدر من حاله
وبايسوون لك في المنطقه محفل*** ضيف القبيله ثلاث ايام بلياله
سلم عليهم بعطر اصلي من المعمل*** والعود والورد والريحان واذواله
وقلهم عاد حملت باخره تنقل*** من الحديده على تذكرات محاله
حمولها عطر من باريس من لندل*** ويقسمه بدر لصحابه ولعذاله
واهديه خمسين باقه ورد من مشتل*** تسقي عروقه سحابة صيف هماله
ويمتلي البيت والبرحه وراس التل*** لرحب ومن حولهم يعطيه مشداله
وبن دعيمان له قسمه من البندل*** وسيط في المعرفه ماجاه يهنا له
المعرفه والقناعه كنز ما يكمل*** وانا عرف ان معرفة لجواد فعاله
ومن عرف لرض يتحكم ويتديول*** يسري ويغبش ولا يغوى تنقاله
ونا اعرف القاع ولاماعرفت اسئل*** من ميفعه لاشمال المملكه ناله
عارف سكاكا وعارف دومت الجندل*** وعارف ان العبيله حول شواله
واحترت في اللغز والهاجس ضوى وبذل*** اكبر جهوده على حله وحل حاله
وقال باحاول اني حط حوله حل*** ان جا على صح ولا مالك وماله
في ضني انه مع اهل الكهف قد قيل*** ولا درو كم معه في الكهف رجاله
تخالفو حوله اهل العلم من اول*** حول العدد كل واحد جاب فتواله
ولاهو النمل ذي قال ادخلو يانمل*** جاكم سليمان بن داؤد وابطاله
احدا العيال الصغار بحله اتفضل*** والله ماقلته الا بعد ماقاله
وانا عتمدته لاءنه اصلي امسلسل*** ماله نسب من بعيد اعمامه اخواله
اباه يصبح ولي العهد يتزمل*** بين النسيين في طلعه ومنزاله
ويرد بالصاع مثله صاع مايفسل*** وبا يجوب على شعار فقاله
وفتيك من بنت من غير اصلها تحبل*** الزوج له حال والزوجه لها حاله
وطبعهم يختلف والاصل يتعزل*** وبحكمت الله يهواها وتهواله
تشكي وتبكي ومن بعد البكا تكمل*** وزوجها مابقي من جسمها شاله
والعفو يابدر لاشي زاد ولاقل*** هذا جوابك على زامل ومهجاله
طولتها قصدك اني قر وتعرقل ماعجز عن الرد عاداتي تعناله
وسبح لها في بحور الشعر وتغزل*** بقاصر الطرف ذي يصلح تكحاله
من شان يطلع جوابي حالي امعسل*** ماينقده في المجالس من كثر ماله
وازكا صلاتي على المختار وانته صل*** واصحابه الطيبين الطاهرين واله
ومن سمعها يصلي ع الرسول افضل*** ويقول عشرين كباره وهلاله
.
.
.
تمت من قايلها علوي بن عبدالله بن ناصر بن جرادان النسي
تحياتي لكم:::
ص ق ر | هـ م ا مـ
موضوع: بدع وجواب بين بدر الهزمي والشاعر الهلالي الكبير بن جرادان النسي 
الثلاثاء نوفمبر 24, 2009 8:22 am
الموقع
